Əmlak Məsələləri Dövlət Xidməti tərəfindən keçirilən növbəti hərracda 1 müəssisə, 12 nəqliyyat vasitəsi satılıb.
 
İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən hərracda 1 müəssisə və 12 nəqliyyat vasitəsi özəlləşdirilib.

Hərraca çıxarılan nəqliyyat vasitələrinə ümumilikdə 35 sifariş qəbul edilib. Bunlardan 12-si onlayn qaydada həyata keçirilib.

Hərracda özəlləşdirilən müəssisə - əvvəllər kərpic zavodu kimi fəaliyyət göstərmiş obyekt Şəki rayonunun Daşüz kəndində yerləşir. Sahəsi 14.900 kvadratmetr, torpaq sahəsi 85.368 kvadratmetr olan əmlak 1 mln. manata satılıb. 
Hərracda satılan dövlət əmlakının siyahısı ilə https://shorturl.at/NyeTm linki vasitəsilə tanış olmaq mümkündür.

Bu ay ərzində növbəti hərraclar 12 və 19 avqust tarixlərində keçiriləcək.

Hərraca çıxarılan əmlak siyahısı ilə https://shorturl.at/coCpP linki vasitəsilə tanış olmaq mümkündür.

Hərraclarda iştirak etmək istəyən şəxslər “www.emlak.gov.az” və “www.auksion.gov.az” internet səhifələri vasitəsilə hərraca çıxarılan əmlak üzrə seçim edə bilərlər.