İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədr müavini Fərid Cəfərov oktyabrın 22-də qurumun Lənkəran Ərazi İdarəsində (ünvan: Lənkəran şəhəri, H.Z.Tağıyev küçəsi 211) Lənkəran şəhəri, Astara və Lerik rayonlarından olan vətəndaşları, oktyabrın 23-də Cəlilabad Ərazi İdarəsində (ünvan: Cəlilabad şəhəri, Azərbaycan küçəsi 60), Cəlilabad, Biləsuvar, Masallı və Yardımlı rayonlarından olan vətəndaşları qəbul edəcək.

Saat 11:00-dan etibarən keçiriləcək qəbulda vətəndaşlar daşınmaz əmlakın qeydiyyatı, kadastrı və digər aidiyyəti məsələlərlə bağlı müraciət edə bilərlər.

Qəbula gəlmək istəyənlər oktyabrın 21-dək 050 211 12 53 və 070 422 44 88 telefon nömrələri ilə və ya 10 saylı Lənkəran Ərazi İdarəsinə (telefon: 050 369-20-43, elektron poçt ünvanı: dedkr.10sayli@emlak.gov.az) və oktyabrın 22-dək 8 saylı Cəlilabad Ərazi İdarəsinə (telefon: (02524) 55476, elektron poçt ünvanı: dedkr.8sayli@emlak.gov.az) müraciət etməklə qeydiyyatdan keçə bilərlər.